– Stolt av det me har starta her
I en kjøpmannsbustad frå tidleg på 1700-talet midt i Kong Oscars gate, har Tanja Borge realisert ein mangeårig draum.
Etter å ha budd og jobba fleire år i Hardanger selde ho og mannen huset i Norheimsund og flytta «hem til Bergen» for at ho skulle opna siderbar.
No har baren vore i drift i vel to månader, og ho har endeleg fått tid til å pusta litt ut.
– Det byrja litt roleg, men etter påske har det vore veldig travelt. Me har opplevd at det har vore så fullt at folk måtte snu i døra, fortel ho.
Gjestane har vore i alle aldersgrupper.
– Eg er positivt overraska over at me har treft så godt mellom unge også. Der har me nok fått litt drahjelp etter å ha hatt besøk av Pål Friele Grung. Sjølv visste me ingenting før me såg videoen han hadde lagt ut etter å ha vore her, så det var veldig kjekt, fortel ho om effekten av å ha hatt ein ekte influensar innom dørene.
